Sistèma digestiu
Aparença
![](http://upload.wikimedia.org/wikipedia/commons/thumb/f/f4/Abdomal_organs.svg/220px-Abdomal_organs.svg.png)
2. Diafragma
3. Estomac
4. Fetge
5. Vesicula biliara
6. Duode
7. Pancreas
8. Mèlsa
Lo sistèma digestiu es l'ensems dels organs entà dels organismes animals, que permeton la transformacion dels aliments en nutriments segon un procès dit digestion. Un còp realizada la digestion, l'organisme pòt absorbir aquestas substàncias e las far servir per l'obtencion d'energia e pel manteniment del còrs.
En l'èsser uman consta dels seguents organs:
- La boca: conten las dents, que mossegan e mastegan lo manjar. La lenga barreja los aliments amb la saliva e los mena cap a la garganta.
- L'esofag: servís de conducte de passatge pels aliments entre la garganta e l'estomac. Un còp arribat a l'esofag, lo manjar passa automaticament dins l'estomac.
- L'estomac: tritura e barreja los aliments amb de substàncias acidas e digestivas nomenadas enzims.
- Lo pancreas: produtz los enzims que facilitan la transformacion dels aliments.
- Lo fetge: produtz e desliura de substàncias digestivas dins l'intestin prim. Emmagazina tanben los sucres e los libera dins la sang segon las necessitats de l'organisme.
- L'intestin prim: es un tub long e prim, de mai de 5 m de long. S'i produtz la major part del procés de la digestion e de l'absorcion dels aliments. Los enzims liberats degradan lo manjar. L'intestin prim desemboca dins l'intestin gros.
- L'intestin gròs: es un tub ample d'1,5 m de long, situat dins l'abdomen. A travèrs de l'intestin gròs s'absorbís l'aiga e las substàncias quimicas utilas. Lo material sobrant es impulsat e excretat per l'anus.